1966 йил "Пахтакор" халқаро ўртоқлик учрашувида Франциянинг "Тулуза" жамоасини 5:0 ҳисобида мағлубиятга учратганини кўпчилик билмаса керак.

Ўшанда "Тулуза" мавсумга тайёргарликнинг охирги босқичида "Пахтакор" билан ўртоқлик баҳсида майдонга тушган. Бир мавсум аввал жамоа Франция чемпионатида 4-ўринни эгаллаб, Еврокубокларга йўлланма олганди. 7 август куни Тошкентда ўтказилган беллашувда Дорсини, Бернар ва Ле Юро каби ижрочиларга эга бўлган жамоанинг жиддий қаршилик қилиши кутилганди. Бир неча футболчилар Франция терма жамоасига номзод саналар, Монин эса Парагвайдан бўлиб, Жанубий Американинг етакчи клубларидан бири "Фламенго"дан француз клубига келиб қўшилганди. Қолаверса, ўша йили март ойида "Тулуза" ўртоқлик учрашувида Москванинг "Спартак" клубини 2:0 ҳисобида доғда қолдирганди.

Ўйинни ҳужумкор тарзда бошлаган "Пахтакор" рақибни кескин ҳужумлари билан довдиратиб қўяди. Тез орада Биродар Абдураимов ва Баҳодир Иброҳимов ижросидаги ҳужумни Абдураимов аниқ зарбаси билан голга айлантирди. 21-дақиқада Мақсуд Шариповдан тўпни қабул қилиб олган Абдураимов дублини нишонлайди. "Тулуза" эса ўйин охиригача ўзига келишга улгурмайди. Иккинчи бўлимда Абдураимов хет-трикка эришган бўлса, Геннадий Красницкий ва Баҳодир Иброҳимов ҳам ўз ҳисобига биттадан гол ёзиб қўяди. Шу тариқа афсонавий мураббий Михаил Якушин қўл остида "Пахтакор" ўз тарихидаги энг ажойиб ғалабалардан бирини қайд этади.

"ПАХТАКОР" - "ТУЛУЗА" - 5:0 (2:0)

1966 йил 7 август. "Пахтакор" стадиони. 

Голлар: Абдураимов 14, 21, 68, Красницкий 82, Иброҳимов 88.

"Пахтакор": Юрий Пшеничников, Ривал Зокиров, Владимир Штерн, Виктор Науменко, Виталий Суюнов, Вячеслав Солохо, Мақсуд Шарипов, Аҳрол Иноятов, Баҳодир Иброҳимов, Геннадий Красницкий, Биродар Абдураимов.

"Тулуза": Жюспен, Мутон, Бад, Монин, Редэн, Бернар, Сухан, Дорсини, Брек (Лудон), Брюнетон, Ле Юро.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Ibrohim Kuziev
22/05/2020 18:43
Klupni yosh bolarini yutgan bulsa kerak ertagni uziki 18 U
Ibrohim Kuziev
22/05/2020 18:42
Ola yalģoni