Ойбек Қиличев терма жамоамиз ҳақида:

Ўзбекистон миллий терма жамоасининг Саудия Арабистонига қарши ўйинида қайд этган натижаси туфайли хафсаламиз пир бўлди. Биз ишонган жамоанинг қўлидан ҳеч нима келмади.

Ўйин ҳақида ортиқча гапириб ўтирмаймиз. Ҳамма ўз хулосасига эга бўлди. Мазкур беллашув туфайли тушкун кайфиятга берилдик. Лекин олдиндан режалаштириб қўйганимиздек, терма жамоамизнинг саудияликларга қарши ўйини борасида ўша беллашув тугаганидан сўнг, ярим тун бўлишига қарамай, дарҳол россиялик мутахассис билан мулоқотга киришдик.

Шу пайт, кутилмаганда телефоним жиринглаб қолди. Бу “Қизилқум” етакчиси Ойбек Қиличев эди. У ҳам биз каби мағлубиятдан қаттиқ сиқилган ва кайфиятсиз ҳолатда эди. Шундай бўлса ҳам, учрашув ҳақида ўзининг фикр ва мулоҳазаларини билдиришни лозим топди ва шундай деди:

- Футболчиларга ишонч билдирилдими, демак улар ҳам майдонда ўз кучини кўрсатиши керак! Бўлмаса, терма жамоада нима қилиб юрибсан? Мана, бошқалар ўйнаяпти-ку! Ҳамма мураббий, мураббий, деб гапиряпти. Лекин майдондаги футболчилар-чи? Уларга ишониб, майдонга туширдими, энди ишончни ҳам оқлашсин-да! Миллий терма жамоага чақирилган ҳамма футболчи ўйнашга ҳар томонлама тайёр бўлиши керак. Вадим Абрамовни ҳам қўлидан нима келсин, у футболчиларга ишонди ва майдонга туширди. Ҳеч бўлмаганда, дурангга ҳам кучи етмади...Майдонга тушгач, ишончни оқлаш шарт, бу ерда баҳона кетмайди. Майдонда 11 га 11 ўйналади. Йигитлар Ўзбекистон шаънини муносиб ҳимоя қилиши керак-ку! Ахир уларни ортларида Ўзбекистон халқи турибди. Шунинг учун футболчилар “ёниб” ўйнамайдими? Миллий терма жамоа учун ўйнаяптими, жонини жабборга бериб ўйнаш керак. Ахир рақиб ҳам биз билан тенг-ку, улар майдонда 13-14 нафар эмас. Жамоамиз ҳақиқий кучини кўрсатиб, рақибни ютса бўларди. Ҳадеб мураббийни айблайвермаслик керак. У ўша ўйинчиларга ишонч билдирдими, бўлди ўша ишончни оқлаш лозим. Майдонда бир-иккита футболчи жон куйдиргани билан иш битмайди. Бутун жамоа бирлашиши ва ғалаба учун курашиши шарт. Афсуски, бизникиларда қўрқув бор. Агар қўрқса, футбол ўйнашни ҳожати йўқ.

киличев3

Оддий мисол, Тожикистоннинг ўйинини қаранг ёки “Истиқлол”ни олайлик, бу клуб Осиё Чемпионлар лигаси гуруҳ босқичида нималар қилди?! Уларнинг футболчилари ғалаба учун ўйнаяпти ва курашяпти. Бизни ўйинчилар нима қиляпти? Бундай таркибга ҳатто Моуриньони олиб келсангиз ҳам, агар футболчилар ўйнамаса, мураббий ҳеч нима қила олмайди. Футболчиларни ўзида бўлмаса, натижа кутишни кераги йўқ. Барча айб мураббийда эмас, ўйинчилар ҳам айбни ўзидан қидириши керак. Араблар биздан анча кучайиб кетди. Ваҳоланки, биз шу пайтгача араблардан кучайган бўлишимиз керак эди. Ҳатто, Японияни ҳам ютганмиз. Бундай мағлубиятлар бизга тўғри келмайди.

киличев1

Кўряпсиз, оддий-оддий хатолар бўлди. Ўзимизга-ўзимиз муаммолар қилдик. Якунда хатолар голга сабаб бўляпти. Жамоа ўзига ишониши жуда муҳим. Хатолардан тўғри хулоса чиқарилмади. Айтяпман-ку, футболчиларимиз қўрқиб ўйнашди, ўзларига бўлган ишонч йўқ эди. Тўпни тезроқ шеригимга узатсам ва хато қилмасам, деган хаёл билан ўйнади.

киличев2_1

Тўғри, тактикага ҳам боғлиқ. Футболчиларни жой-жойига қўйиш керак. Бундай вазиятда Америка кашф қилиш шарт эмас. Шунчаки, ким қайси позицияга мослашган бўлса, ўз жойида ўйнатиш лозим. Майли, мураббий футболчиларни ўша позицияларга ишонч билдириб қўйгандир. Фақат буни оқлаш керак. Йўқса, ўйинчи мен бу ерда ўйнай олмайман, ўз позициямга қўйинг, деб айтмайдими? Мураббий ҳар бир чизиқда футболчиларга алоҳида вазифалар юклайди ва шунга қараб майдонга туширади. Шундай экан, ўйинчилар ўзига билдирилган ишончни оқлашлари талаб қилинади. Кўряпсиз-ку, ҳеч нима ўхшамади, ҳужумларимиз ҳам. Дарвозага аниқ зарба тепа олишмади. Кўп футболчлар терма жамоага нима учун келишади, тушуниб бўлмайди, - дея сўзини якунлади футболчи.  

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
Baxil Alihuja
16/06/2021 17:49
Булмаган гап! Бу Киличев богча боласидек фикрлайди-ми? Агарда футболчи ёниб уйнамаса, мураббий бошка уйинчини олиши мумкин! Терма жамоада уйнашни орзу килувчилар тикилиб ётибди. Бу ландавур думбулларни ким таркибга олган? Мана шу узбекчани гапира олмайдиган армани-ми?
PROSTO TELE
16/06/2021 17:41
Бир пайтлари сизни хам курганмиз чичворгансиз. Нима кераги энди утиб кетгандан кейин. Футболни тугатиш керак бизда.
Akbarali Abdunazarov
16/06/2021 17:01
Фаластинни ютиш шунча кийинмиди, Пахтакор еки Насафни узини жунатса хам камида 2 та туп фарки билан ютиб келарди! Футболчилардан эмас сиесатчилардан интервью олиш керак жаноб журналистлар!
Farhod Mahmaraimov
16/06/2021 20:19
Мен шу гапга қўшиламан, хозирги Пахтакор ёки Насаф ҳам араблардан хеч бўлмаганда очкоола билишарди. ШОТА ни термага чақириш керак, менимча келади, чунки Пахтакорданкетишига асосий сабаб оиласи билан кам уйида бўларди, агар термага мураббий бўлса клубга қараганда оиласи билан анча кўп бирга бўлади. Лекин ШОТА топ мураббий хисобланади, кейин Ўзбекистонга ҳам анча ўрганиб қолган. мана шундай пайтда яъни 4-5 йил бор янаги мундиалгача Шотани чақириб терма туз, ишингга аралашмаймиз газига бос дейиш керак келади, нормални тренер шу
Akbarali Abdunazarov
16/06/2021 16:57
Ениб уйнаш учун нима килиш керак биласанми Ойбек, мотивация берадиган мураббий керак, 2 йил ичида 50 тадан ортик уйинчи чакириб кейин уларни урнига бирдан бошка уйинчини олади, мураббийга ишонч коладими, ярим химоячини бир таянч химояга, тажрибасиз И.Йулдошевни бирдан химояга куйиш гирт ахмоклик эмасми!
Abbos Bakirov
17/06/2021 17:22
Хак гапни айтдиз Ойбек бу футболчилар ёниб ойнамаса Юрген Клопп хам ёрдам беролмайди жангаворлик азарт иштиёк куринмади ойинчиларда.Варатар хам факат узига келган топни кайтарарканда ойинни укишни хам билиши керак озгина. Яккол голдан куткарганини кормадим химоя как всегда Каща бляя гапираман десанг гап куууппп
oshiqlar Jannatga
17/06/2021 01:48
Shunaqa insonlar futbolimiz ichida o'ralashib yirgani uchun xam futbolimiz nagdaunt xolatida.
Murabbiy zo'r mutaxasis bo'lsa, albatta natija xam bo'ladi.
Alla qanday millatini tayini yo'qlarga ishonib milliy jamoani topshirganlarda, na millatsevarlik va na vatanparvarlik bor?!
Mashhur Solijonov
16/06/2021 18:42
Ёниб уйнаш учун кутига калампир тикиш керакми, подёмний премияни сорашни билишадику хаммаси масулиятни сезишмайдим буларни сорок киладигон йук саудлардаги иштиёкни каранг
&
hhh
16/06/2021 18:25
Ko‘rasilar abramov murabbiy bo‘lib tursa keyingi yig‘inga Oybek Qilichevni chaqiradi gapimga javob
&
Ашуров Бахтийор
16/06/2021 18:20
ЧА сайтида ҳам шунақа гап-сўзлар бўлябди.Лекин фойдаси тегармикан?Ҳамма гап-сўзлар ҳавога сингиб кетаётгандек гўё!