Мбаппе автоҳалокатга учради

Франция терма жамоаси ва ПСЖ клуби ҳужумчиси Килиан Мбаппенинг укаси Этан Мбаппе Йўл-транспорт ҳодисасига учради. Бу ҳақда “L'Equipe” нашри хабар бермоқда.

Юқоридаги манбанинг ёзишича, ушбу ҳодиса кеча 21 январь куни тушдан кейин Париж жамоасининг машғулот марказидан унча узоқ бўлмаган Сен-Жермен-ан-Лае шаҳрида содир бўлган. 15 ёшли кичик Мбаппе ҳайдовчи билан бирга бўлган. Улар бошқарувидаги Range Rover 4x4 автомобили Audi билан тўқнашиб кетиши оқибатида ағдарилган. ''Audi'' ҳайдовчиси маст экани айтилмоқда.

Шундан сўнг Этан Мбаппе ҳайдовчи билан бирга шифохонага олиб борилган. Қайд этилишича, ўсмир жиддий жароҳат олмаган.