“Жароҳатим бўлмаганида ҳам Златандек 40 ёшгача тўп тепмас эдим!”

Бразилиялик футбол афсонаси Роналдо 39 ёшли Златан Иброҳимович ва 36 ёшга тўлаётган Криштиану Роналду ҳақида гапирор экан фаолиятини эртароқ тугатиш маъқул эканини айтди.

- Иброҳимович мени ўзининг кумири, деб ҳисоблашини доим айтиб келган. У ажойиб футболчи. Менинг жароҳатим бўлмаганида ҳам, 40 ёшгача тўп тепмасдим. Роналду ҳам шу ёшгача ўйнаса керак. У ҳозир “Реал”даги Роналду эмас. Криштиану ўзини бошқаришни билади. “Сассуоло” билан баҳсдаги ўйинини кўрдингизми? Бутун учрашув давомида сояда юрса ҳам, кутилмаган зарба бера олади, - деди Роналдо.

Иброҳимович ва Роналду ёши ўтиб қолаётганига қарамай, Италия футболида тўпурарлик маҳоратини намойиш этиб келмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)