Ассалому алайкум, мухтарам футбол ихлосмандлари! Европа Чемпионлар Лигаси ярим финалидан ўрин олган "Челси" - "Реал" жамоалари ўртасидаги жавоб учрашуви матнли трансляция кўринишида эътиборингизга ҳавола этилади.

Челси

  • Тимо Вернер 28'
  • Мэйсон Маунт 85'

UEFA ЧЛ Финал бочқичи round_Semi Finals

06/05/2021, 00:00

2
:
0
Тугади

Реал Мадрид

    Стадион: Stamford Bridge 0 томошабин

    Бош ҳакам: Daniele Orsato

    45'
    90'

    • 90+4'

      Учрашув якунланди. Финалда инглиз жамоалари ўзаро тўқнашади!

    • 90+3'

      Хаверц захирага олинди. Унинг ўрнига Жиру майдонга тушди.

    • 90+2'

      Сўнгги сонияларни мадридликлар олдинги чизиқда ўтказмоқда. Бироқ улар ҳеч нима қила олмаяпти.

    • 90'

      Ўйиннинг асосий вақтига 4 дақиқа қўшиб берилди.

    • 89'

      Федерико Вальвердега сариқ карточка кўрсатилди.

    • 88'

      "Челси"да Маунт ўрнига Зиеш майдонга тушди. "Реал"да Мариано Азарни алмаштирди.

    • 87'

      Ҳозиргина гол урган Маунт рақибига нисбатан қоида бузди. Ҳакам унга сариқ карточка кўрсатди.

    • 85'

      ГООООООООООЛ! "Челси" хисобдаги фарқни оширди!

      Жамоадошидан пас қабул қилиб олган Мэйсон Маунт жамоасининг иккинчи голига муаллифлик қилди.

    • 84'

      Мадридликларнинг навбатдаги уриниши зарбага қадар етиб бормади.

    • 83'

      Чап қанотдан жарима майдонига оширилган тўпга "Реал"дан ҳеч ким ета олмади.

    • 82'

      Тухель шогирдлари тактик фоллар билан рақибни марказдаёқ тўхтатмоқда.

    • 81'

      Пулишич жарима майдони ичидан ноаниқ зарба йўллади.

    • 79'

      Рақибини алдашга ҳаракат қилган Бензема жамоасига панд берди. Унинг қарори хато эди.

    • 78'

      Жарима майдонига йўл топа олмаган Асенсио олис масофадан ўз омадини синаб кўрди. Тўп ҳимоячилардан ўтмади.

    • 77'

      Пулишичнинг узатмасидан кейин Хаверц бироз тўпга ета олмади. Ўта қулай имконият қўлдан кетди.

    • 76'

      Зидан катта таваккалга қўл урди: Каземиро ўрнига Родриго ўйинни давом эттиради.

    • 74'

      Елкама-елка курашда Азар Сильвага енгилди. Тўп йўқотилди.

    • 73'

      Бурчакдан етказиб берилган тўпга Сильва зарба берди. Тўп устун ёнгинасидан ўтиб кетди.

    • 72'

      Мадридликларнинг асаблари дош бермаяпти. Бу сафар Тони Кроос жазоланди.

    • 71'

      Каземирони алдаб ўтган Пулишич тўпни жарима майдонига узатди. Куртуа тўпга эга чиқди.

    • 70'

      Кай Хаверц воқеалар ривожидан бироз илгарилаб кетди.

    • 69'

      "Кўклар" тўп назоратини ўзларида ушлаб турибди.

    • 67'

      Тимо Вернер ўз ўрнини Кристиан Пулишичга бўшатиб берди.

    • 66'

      Кантенинг ўта қулай позициядан йўллаган зарбасини Вальверде ўтказмади.

    • 65'

      Жарима майдонига яқин ҳудудда "Реал" стандартга эга бўлди.

    • 64'

      Азарнинг жарима майдони ичидан берган зарбасини дарвозабон қайтарди.

    • 63'

      Зидан юриш амалга оширди: Асенсио ва Вальверде Винисиус ҳамда Ферлан Менди ўрнига ўйинга қўшилди.

    • 62'

      Хаверцга нисбатан қоида бузган Начо огоҳлантирилди.

    • 61'

      Чилуэллни алдаб ўтган Винисиуснинг узатмаси ўхшамади.

    • 59'

      Хаверц ва Вернер Куртуа билан иккига-бир вазиятга чиқиб борди. Кайнинг зарбасини Тибо қайтарди. Яна бир қулай имконият қўлдан кетди.

    • 57'

      Меҳмонлар ҳужумда айтарли хавф юзага келтира олмаяпти. Уларга эса гол керак.

    • 55'

      Карим Бензема ўйиндан ташқари ҳолатда қолиб кетди. Ҳакам байроқчасини кўтарди.

    • 53'

      Бирга-бир вазиятга чиқиб борган Маунтнинг зарбаси ноаниқ кетди. Қулай имконият кўкка совурилди.

    • 52'

      Тьяго Сильванинг бош билан йўллаган зарбасига аниқлик етишмади.

    • 51'

      Жарима майдонига яқин ҳудудда Чилуэлл йиқитилди. "Кўклар"да яхши стандарт юзага келди.

    • 49'

      "Аристократлар" ҳаракатчан ўйин кўрсатяпти. Бу рақибга муаммо туғдирмоқда.

    • 47'

      Хаверцнинг бош билан йўллаган зарбаси тўсинга тегди. "Челси" даҳшат старт амалга оширди.

    • 46'

      Иккинчи тайм бошланди!

    • 46'

      Мадридликлар камбэк учун, лондонликлар 45 дақиқани тезроқ ўтказиш учун майдонга қайтди. Футболдан баҳра олиш учун биз ҳам қайтамиз!

    • 45'

      Биринчи таймга вақти қўшилмади. Танаффус!

    • 43'

      Вернернинг жарима майдони ичидан йўллаган зарбаси кучсиз чиқди. Куртуа тўпни эгаллаб олди.

    • 42'

      Бутун бошли тайм "Челси"нинг кучли прессинги билан ўтмоқда.

    • 40'

      Жамоадоши узатган тўпга Винисиус ета олмади. 

    • 39'

      Ферлан Мендининг оёғини босиб олган Кристенсен огоҳлантирилди.

    • 38'

      "Челси" аксарият жабҳаларда рақибга имкон қолдирмаяпти. "Реал" минимал имкониятдан максимал фойда чиқаришга уринмоқда.

    • 36'

      Рақиб жарима майдони ичида Рамос Аспиликуэтани туртиб юборди. Ҳакам унга сариқ карточка кўрсатди.

    • 35'

      Жарима майдонига етказиб берилган тўпни Бензема дарвозага йўллади. Менди яна вазият қаҳрамони.

    • 33'

      Милитаонинг узатмасига Бензема ета олмади.

    • 32'

      Вернернинг узатмасига Рюдигер бироз ета олмади. Акс ҳолда, Антонио қулай позициядан зарба бериш имкониятини қўлга киритар эди.

    • 30'

      Ҳисобда ортда қола бошлаган меҳмонлар прессингни кучайтирди.

    • 28'

      ГОООООООООООЛ! Учрашувда ҳисоб очилди!

      Хаверц тўпни Куртуанинг устидан ошириб дарвозага йўллади. Тўсиндан қайтган тўпни Вернер бўш қолган дарвозага киритди.

    • 27'

      Бурчакдан етказиб берилган тўпни Милитао дарвозага йўллашни мақсад қилганди. Аммо зарба кўнгилдагидек чиқмади.

    • 26'

      Бенземанинг аниқ зарбасидан кейин Менди супер сейв ижро этди.

    • 26'

      "Реал" тобора рақиб жарима майдонига яқинлашмоқда.

    • 24'

      "Қаймоқранглилар" марказда тўп назоратини амалга оширмоқда.

    • 23'

      Жарима майдони ичида Карим Бензема йиқилиб тушди. Орсато ўйинни давом эттиришга рухсат берди.

    • 21'

      Модричнинг ақлли узатмасига Винисиусдан аввал Рюдигер етиб келди.

    • 20'

      Зидан шогирдлари рақиб жарима майдонига киришда катта қийинчиликка дуч келяпти.

    • 18'

      Тимо Вернер ҳисобни очди. Бироқ унинг голи ўйиндан ташқари ҳолат туфайли инобатга олинмади.

    • 17'

      Модричнинг зарбаси кутилганидек чиқмади. Эдуар Менди тўпни эгаллаб олди.

    • 16'

      Дарвоза чизиғи олдида Хаверц Начога нисбатан қоида бузди. Куртуа тўпни ўйинга киритиб беради.

    • 14'

      Тезкор қарши ҳужумга ўтаётган Азарни йиқитган Жоржиньо огоҳлантирилди.

    • 13'

      Чилуэллга нисбатан Каземиро қоида бузди. "Челси"да яхши стандарт вазият.

    • 12'

      Жарима майдони марказига узатилган тўпни Куртуа узоқлаштирди.

    • 12'

      Рюдигернинг узоқ масофадан йўллаган зарбасини Куртуа уриб юборди. Бошланди!

    • 11'

      Илк зарба Кроос ижросида. Тони олис масофадан ўз омадини синаб кўрди. Дарвозабон ўз ўрнида.

    • 10'

      Майдон эгалари мудофаада ўта тартибли ўйин кўрсатмоқда.

    • 8'

      Вернер қанотдан жарима майдонига ёриб киришни мақсад қилганди. Бироқ Рамос уни зарарсизлантирди.

    • 7'

      Лондонликлар бугун бироз қўполроқ ўйнамоқда. Бу сафар Начо "чопилди".

    • 6'

      Мадридликлар тўп назоратини қўлга олишга интилмоқда.

    • 4'

      Кристенсен Азарга нисбатан бироз қалтис ҳаракат қилди. Орсатодан оғзаки огоҳлантириш.

    • 3'

      Тимо Вернер воқеалар ривожидан бироз илгарилаб кетди.

    • 2'

      Илк дақиқадаёқ мезбонлар кучли прессинг уюштирмоқда.

    • 1'

      Ўйин бошланди!

    • 0'

      Сардорлар иштирокидаги расмий жараёнлар ортда қолди. Старт учун барчаси тайёр!

    • 0'

      Футболчилар майдонга тушиб келди. ЕЧЛнинг мафтункор мадҳияси янгради!

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Минбар

    Барча блоглар