Александр Хомяков

“Машъал” – АГМК (2:1) ўртасидаги ўйиндан кейин мезбонлар бош мураббийи Александр Хомяков ўз таассуротлари билан ўртоқлашди.

- Ажойиб ўйин ва ғалаба. Бундай ғалабадан кейин хурсанд бўлмаслик мумкинми? Футболчилар характер кўрсатишди. Бугунги ўйинга танлаган режа ва тактикамиз иш берди ва буни ўйинчилар аъло даражада бажардилар. Бунинг учун футболчиларга алоҳида миннатдорлик билдираман. Уларнинг олдида шляпамни ечаман!

Бугунги рақибимиз жиддий эди ва шунга қараб тайёрлангандик. 7 та ўйиндан бери дарвозамиздан гол ўтказиб юбораётганимиз албатта ёқимсиз. Муҳими, биз ғалаба қозондик ва камчиликларимиз устида яна ишлашда давом этамиз.

Бугунги ўйин учун бирорта футболчимизни алоҳида кўрсатмайман. Барчаси ғалаба учун меҳнат қилди. Табиийки, мураббий сифатида ўйинчиларимдан ҳамиша энг яхши ўйинларини кўрсатишини истайман. Биз яна меҳнат қилишдан тўхтамаймиз. Мухлисларимизни ҳам ғалаба билан табриклайман, - деди Хомяков.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию