“Хотин қизлар ҳафталиги”да ёши улуғ онахонлар ҳам бадантарбия машғулотларини бажармоқда
Ads

Ўзбекистон Президенти Шавкат Мирзиёев томонидан жорий йилнинг 20 сентябрь куни жисмоний тарбия ва спорт масалаларига бағишлаб ўтказилган йиғилишда “Таълим муассасалари ҳафталиги”, “Хотин-қизлар ҳафталиги”, “Маҳалла ҳафталиги”, “Нуронийлар ҳафталиги”, “Ёшлар ҳафталиги” каби шиорлар остида оммавий тадбирлар ўтказиш вазифаси берилган эди.

Ушбу топшириқга мувофиқ жорий йилнинг 8-13 октябрь кунлари жисмоний тарбия ва спортни оммалаштиришда "Хотин-қизлар спорт ҳафталиги" деб эълон қилинди. Ҳафталик доирасидаги тадбирлар Жисмоний тарбия ва спорт вазирлиги ҳамда Хотин-қизлар қўмитаси билан ҳамкорликда Республикамизнинг барча ҳудудларида ташкил этилмоқда.

Ҳафталик мамлакатимиздаги барча умумтаълим мактаблари, мактабгача таълим муассасалари, тиббиёт бирлашмалари ҳамда маҳаллаларда ташкил этилиб, унда бадантарбия, спортнинг шахмат-шашка, бадиий гимнастика, волейбол, стол тенниси, бадминтон турлари бўйича ўйинлар ўтказилмоқда. Ҳафталикнинг дастлабки кунларида 200 минг нафарга яқин хотин-қизлар иштирок этиб, улар орасида 5 ёшли қизалоқлардан тортиб 70 ёшли онахонлар ҳам бор.

“Соғлом аёл – соғлом жамият” шиори остида ўтказилаётган ҳафталикда Жисмоний тарбия ва спорт вазирлиги мутасаддилари барча хотин-қизларни спорт тадбирларида фаол қатнашишга чақирмоқда. Вазирлик томонидан соғлом турмуш тарзини тарғиб этишга қаратилган буклетлар чоп этилиб, аҳолига тарқатилмоқда.

Эслатиб ўтамиз, жорий йилнинг 1-7 октябрь кунлари республикамизнинг барча ҳудудларида “Ёшлар ҳафталиги” ўтказилиб, унда Жисмоний тарбия ва спорт вазири Дилмурод Набиев аҳоли билан бирга бадантарбия машқларини бажарган эди.

a2c84417-4e85-4995-9908-5916c2ddf5c6 e3f9fb6d-7c40-4474-83f4-cc19536d3daa

82ec0565-9204-4abb-a9e6-7541dbecd56e 0c808c4a-a3aa-46a8-855b-d7c5ed0f11e1

 

Минбар

Барча блоглар