Хабарингиз бор, бугун Хитойда бўлиб ўтаётган U-23 терма жамоалар ўртасидаги чорак финалнинг дастлабки баҳсида Ўзбекистон қитъа етакчиларидан бири ҳисобланган Японияга қарши майдонга тушди.

Учрашув ватандошларимизнинг йирик 4:0 ҳисобидаги ғалабаси билан якунланди. Ўйиндан сўнг ўтазилган матбуот анжуманида терма жамоамиз устози Равшан Ҳайдаров ўз фикрлари билан ўртоқлашди.

“Ушбу ғалабани биринчи навбатда бизни қўллаб-қувватлаган мухлисларга ва кеча Қозоғистонда фожеали тарзда ҳалок бўлган юртдошларимизнинг оила аъзоларига бағишлаймиз. Ушбу ўйинга жиддий ва катта маъсулият билан тайёргарлик олиб бордик. Қолаверса, учрашувдан олдин Ўзбекистон Футбол Федерацияси президенти Умид Аҳмаджонов бизга юборган мурожаатномаси йигитларни янада руҳлантирди.

Учрашув биз танлаган режа остида ўтди. Япониянинг тезкорлиги ва тўп билан яхши муомала қилишини олдиндан билар эдик ва уларни бу сифатларини прессинг орқали тўхтатишга уриндик. Бунинг натижасида яратилган голли вазиятлардан унумли фойдалана олдик. Айтиш мумкинки, футболчилар бугунги режа ва кўрсатмаларни тўлиқ бажаришди”, - дейди Ҳайдаров.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98