Бокс бўйича "Uzbek Tigers" жамоаси аъзоси Баҳодир Жалолов профессионал боксга ўтгани ҳақида хабар берган эдик.

Баҳодир профессионаллар ўртасидаги ўзининг илк жангини Нью-Йоркдаги "Foxwoods Casino"да 5 май куни ўтказиши аниқ бўлди. Бироқ кучли зарбага эга бўлган боксчимизга ушбу жангда ким рақиб бўлиши аниқ бўлгани йўқ.

Sports.uz интернет портали мухбири Баҳодир Жалолов билан боғланиб, бўлажак жангга тайёргарлик қандай ўтаётгани ва келгусидаги режалари ҳақида суҳбатлашди.

"Ассалому алайкум. Насиб қилса 5 май куни профессионал боксдаги илк жангимни ўтказаман. Ҳозирда менга ким рақиб бўлишини билмайман. Бироқ мен шу кунги баҳсга жиддий тайёрланмоқдаман. Биз Майами шаҳрида кунига икки маротаба машғулотларга қатнамоқдамиз. Худо хоҳласа илк жангимни ғалаба билан бошлайман. Сўнгра, 6 май куни юртимизга қайтаман ва "Uzbek Tigers" жамоаси сафида 11 май куни бўлиб ўтадиган жангга тайёргарликни давом эттираман", - дейди Баҳодир Жалолов.

Sports.uz

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98