Эквадорда ҳам бош мураббий истеъфога чиқарилди

14 сентябрь,2017, 11:05 195

Эквадорда ҳам бош мураббий истеъфога чиқарилди

Эквадор футбол федерацияси боливиялик мутахассис Густаво Кинтеросани мамлакат терма жамоаси бош мураббийлигидан озод этилганини эълон қилди. Маълум бўлишича, бунга миллий терма жамоанинг ЖЧ-2018 саралашларида кўрсатаётган қониқарсиз натижалари сабаб бўлган.

Эслатиб ўтиш лозимки, Эквадор терма жамоаси айни дамда гуруҳда 8-поғонани эгаллаб турибди. Мундиалга Жанубий Америка қитъасидан жадвалнинг биринчи тўртлигидан ўрин олган жамоалар тўғридан-тўғри йўл олишади, 5-ўриндаги терма жамоа эса саралашни давом эттиради ва бошқа қитъа вакили билан плей-офф ўйинларида иштирок этади.

Эквадор эса сўнгги икки тур олдидан 5-поғонадаги Аргентина терма жамоасидан 4 очкога ортда қолмоқда.